Berxwedana gundiyan piştî 13 rojan encam da

2016-09-13 12:16:45

ÇEWLIK (DÎHA) - Şewata 13 roj berê li bejahiya navçeya Dara Hênê ya Çewlikê derket di encama berxwedana gundiyan a 13 rojan de hat vemirandin.

13 roj berê ji ber topbarana Qereqola Zîverê li bejahiya navçeya Dara Hênê şewat derketibû û gihiştibû gundê Kelaxsi yê.

Ligel bang û agahdarkirina welatiyan jî ekîbên agirkujiyê yên Şaredariya Dara Hênê û Miduriyeta Karê Daristanê mudaxaleyî şewatê nekiribûn.

Ji ber saziyên dewletê mudaxaleyî şewatê nekirin gundiyan li derdora gund xendek kolandibûn û bi derfetên xwe şewatê vemirandin.

Riza Şahînê ji gundê Kelaxsê diyar kir ku wan bi saya welatiyên bo cejnê hatine gund şewatê vemirandine û dazanîn ku di şewatê de gelek darên temenê wan mezin şewitîne û dazanîn ku ji ber ba carnan şewat dîsa derdikeve.

Şahîn dazanîn ku şewat li herêma Xelan, Sîvan û Çiyayê Şarıkê didome.

(ot)