Zarokê 5 mehî şandin girtîgehê 

2016-09-13 11:29:57

MÊRDÎN (DÎHA) - Leyla Eleftoz Baran a di 10'ê îlonê de bi îdiaya "Endamtiya rêxistinê" hat girtin û kurê wê li derve ma, piştî 3 rojan hesreta wan bidawî bû û li girtîgeha Tîpa E ya Mêrdînê, di nava 4 dîwaran de hatin cem hev.

Zarokê 5 mehî yê bi navê Rojvan Çiya Baran ê ku dayika wê bi îdiaya 'Endamtiya Rêxistinê' hat girtin û şandin Girtîgeha Mêrdînê şandin cem diya wê.

Dapîra Rojvan Nezahat Eleftoz neviyê xwe yê 5 mehî hembêz kir û ji neçarî bir ber deriyê girtîgeha Mêrdînê û ew teslîmî dayika wê Leyla Eleftoz Baran kir.

'Ji bo zarokê 5 mehî kampanya îmzeyan'

Li aliyê din hate zanîn ku şoreşgerên jin li ser malpera civakî chang.org'ê ji bo Leyla Eleftoz Baran û kurê wê Rojvan Çiya Baran serbest bên berdan kampanya îmzeyan da destpêkirin.

Şoreşgerên jîn bang li tevahî raya giştî kir û xwest herkes piştgiriyê bide kampanya îmzeyan. Hate zanîn ku îmzeyên bên berhevkirin dê ji Serokomarî, Serokwezîrtî û Wezîrê Karê navxweyî re bê şandin.

Lînka Kampanya ji bo serbestberdana Leyla Eleftoz Baran û kurê wê Rojvan Çiya Baran hatiye dest pê kirin wiha ye:

https://www.change.org/p/i%C3%A7-i%C5%9Fleri-bakanl%C4%B1%C4%9F%C4%B1-rojvan-bebek-cezaevinde-b

%C3%BCy%C3%BCmesin


(ot)